შექმენით ლოქერის ექაუნთი

შეიყვანეთ თქვენი მობილურის ნომერი, სადაც გამოიგზავნება ვერიფიკაციის კოდი
+995

მობილურის ვერიფიკაცია

შეიყვანეთ ვერიფიკაციის კოდი
თქვენი ნომერი

რეგისტრაცია

პაროლის აღდგენა

პაროლის აღსადგენად შეიყვანეთ თქვენი ელ.ფოსტის მისამართი

კოდის ვერიფიკაცია

შეიყვანეთ ელ.ფოსტაზე მიღებული პაროლის აღსადგენი კოდი

პაროლის აღდგენა

ლოქერი გზავნილის მიწოდების კიდევ უფრო დახვეწილი და მოქნილი თანამედროვე საშუალებაა. LOCKER.GE მომსახურებაა, რომელიც სხვადასხვა მისამართზე განთავსებულ თვითმომსახურების მეტალის კარადებს აერთიანებს.
ლოქერის გუნდმა საერთაშორისო სტანდარტების შესაბამისი ინოვაციური პროდუქტი საქართველოში შექმნა.
გადაზიდვების ინდუსტრიის მთავარ ტრენდად მიჩნეული ლოქერი, სულ მალე ყველასთვის საყვარელი სერვისი გახდება.
ლოქერის საშუალებით გზავნილის მიღება ქალაქის სხვადასხვა ლოკაციაზე - თქვენთან უფრო ახლოს შეგიძლიათ.

ხშირად დასმული კითხვები

რამდენად სწრაფად მოხვდება ჩემი გზავნილი ლოქერში?
თუ თქვენ USA2GEORGIA-ს მომხმარებელი ხართ, თქვენი გზავნილი ლოქერში რეისის ჩამოფრენის დღესვე მოხვდება. ხშირ შემთხვევაში კი ეს პროცესი უფრო სწრაფია, ვიდრე გზავნილების USA2GEORGIA-ს ფილიალში განთავსება, რადგან ლოქერში დახარისხების პროცესი ნაკლებ დროს მოითხოვს.
როგორ გავიგო, რომ ჩემი გზავნილი ლოქერშია?
როცა თქვენი გზავნილი ლოქერში განთავსდება, თქვენ მიიღებთ ლოქერის უნიკალურ კოდს SMS-ით და აპლიკაციით.
როგორ გავიტანო გზავნილი ლოქერიდან?
გზავნილის მისაღებად და ლოქერის გასაღებად დაგჭირდებათ ლოქერის უნიკალური კოდი, რომელსაც SMS-ით და აპლიკაციით მიიღებთ. კოდის მიღების შემდეგ, მიდიხართ შერჩეულ მისამართზე, სადაც ლოქერია განთავსებული, კოდს ლოქერის ეკრანზე აკრეფთ, ან შტრიხკოდის სახით მიანათებთ. ლოქერის უნიკალური კოდის აკრეფის შემდეგ, გაიხსნება სათავსო და გზავნილი თქვენია!
რა ღირს ლოქერით სარგებლობა?
გზავნილის ლოქერიდან გატანა ფასიანია. USA2GEORGIA-ს მომხმარებლებისთვის სერვისის ღირებულება 2 ლარით განისაზღვრება და გზავნილი ლოქერში 48 საათით განთავსდება.
რა ხდება იმ შემთხვევაში, თუ წავშალე მიღებული კოდი?
თქვენ ინდივიდუალური კოდი გეგზავნებათ თქვენს კუთვნილ მობილურზე და ასევე ლოქერის აპლიკაციაში. თუ მიღებული კოდი SMS-ებიდან წაგეშალათ, თქვენი კოდი არ წაიშლება აპლიკაციიდან.
ლოქერიდან გზავნილის გატანის ვადაგადაცილების შემთხვევაში, ფულს ვიხდი?
USA2GEORGIA-ს მომხმარებლების გზავნილები ლოქერში განთავსდება 48 საათით. ვადაგადაცილების შემთხვევაში, გზავნილი დაბრუნდება მომხმარებლის მიერ USA2GEORGIA-ს წინასწარ არჩეულ ფილიალში. გთხოვთ, გაითვალისწინოთ, რომ ასეთ შემთვევაში ლოქერში განთავსების ღირებულება მომხმარებელს არ უბრუნდება.
შეუძლია თუ არა სხვა ადამიანს გაიტანოს გზავნილი ჩემს ნაცვლად?
იმისთვის, რომ მომხმარებელმა ლოქერიდან გაიტანოს გზავნილი, აუცილებელია ლოქერის უნიკალური კოდის ცოდნა, რომელიც იგზავნება გზავნილის მიმღები პირის მობილურ ტელეფონზე და აპლიკაციაში. თუ მომხმარებელი თავად ვერ ახერხებს გზავნილის გატანას, მაშინ მას შეუძლია, ლოქერის უნიკალური კოდი ახლობელს გადასცეს იმისთვის, რომ ახლობელმა მიიღოს გზავნილი მის ნაცვლად.
ბევრ გზავნილს ველი. როგორ განაწილდება ჩემი გზავნილები ლოქერში - ყველა ერთ სათავსოში მოხვდება თუ სხვადასხვაში?
თუ USA2GEORGIA-ს მომხმარებელი ხართ და თქვენი გზავნილები არ ეტევა ლოქერის ერთ უჯრაში, ისინი განთავსდება თქვენ მიერ წინასწარ შერჩეულ USA2GEORGIA-ს ფილიალში.
რა ხდება, თუ ლოქერის უჯრა არ გაიხსნა?
ლოქერთან დაკავშირებულ ტექნიკურ საკითხებზე, გთხოვთ, დაგვიკავშირდეთ ელექტრონულ ფოსტაზე sales@locker.ge
ლოქერში ნივთის განთავსების შემდეგ, რა დრო მაქვს იმისთვის, რომ ნივთი გამოვიტანო?
ვადა მითითებულია SMS-ში და აპლიკაციაში, რომელიც თქვენ გამოგეგზავნათ. როგორც წესი, USA2GEORGIA-ს მომხმარებელს ლოქერიდან გზავნილის გასატანად 48 საათი აქვს.
რამდენად დაცულია გზავნილი ლოქერში?
ლოქერი მეტალის კარადაა, რომელიც საკმაოდ დაცულია, თუმცა ის ვერ იქნება სეიფი. გარდა ამისა, ის განთავსებულია ობიექტებზე მუდმივი დაცვით ან სათვალთვალო კამერებით. ლოქერზე არ მოქმედებს ელექტროშოკი და მას გასაღები გარედან არ აქვს.
რა უპირატესობები აქვს ამ მომსახურებას კურიერულ მომსახურებასთან შედარებით?
1. თქვენ არ გიწევთ კურიერის ლოდინი;
2. დამოუკიდებლად ირჩევთ თქვენთვის მოსახერხებელ დროს და ადგილს გზავნილის მისაღებად;
3. ლოქერების სამუშაო გრაფიკი თქვენთვის კომფორტულია. ის დამოკიდებულია იმ ობიექტზე, სადაც ლოქერია განთავსებული. იხილეთ ლოკაციების მიხედვით.
რითი განსხვავდება ლოქერი გზავნილის გამცემი პუნქტისგან?
ლოქერი არის გზავნილის ავტომატურად მიღების სერვისი. თქვენ თვითმომსახურებით მიიღებთ გზავნილს თქვენთვის სასურველ დროს და ადგილას. გზავნილის გამცემი პუნქტი კლასიკური მიმწოდებელი სერვისია - როცა გამცემი პუნქტის თანამშრომელი მომხმარებელს გადასცემს გზავნილს.
რა დრომდე მუშაობს ლოქერი?
ლოქერების სამუშაო განრიგი დამოკიდებულია იმ ლოკაციაზე, სადაც ის არის განთავსებული.
სად ვნახო ლოქერები?
ლოქერები განთავსებულია სავაჭრო ცენტრებში, პროდუქტების მაღაზიების ქსელებში, ჰიპერმარკეტებსა და სხვა ხალმრავალ ადგილებში, რადგან თქვენ შეძლოთ, შეუთავსოთ პროდუქტების შეძენის ყოველდღიური პროცესი გზავნილის მიღებას. ლოქერების ლოკაციები იხილეთ ჩვენს ვებ გვერდზე.
როგორ მუშაობს ლოქერის აპლიკაცია?
1. იპოვეთ ლოქერი - მოძებნეთ ადგილმდებარეობა, რომელიც ახლოს იქნება თქვენს სახლთან ან სამსახურთან. დაამახსოვრეთ თქვენი ალტერნატიული მისამართი (შეგიძლიათ, მიუთითოთ ერთზე მეტი მისამართი), ბოლოს გადაამოწმეთ თქვენი პირადი მონაცემები;
2. გზავნილის მისაღებად და ლოქერის გასაღებად კი დაგჭირდებათ ლოქერის უნიკალური კოდი. თქვენ მიერ შერჩეულ მისამართზე გზავნილს მიიღებთ ლოქერის უნიკალური პინკოდის მეშვეობით, რომელსაც ეკრანზე აკრეფთ, ან შტრიხკოდის სახით მიანათებთ ლოქერს. და, რაც ყველაზე მთავარია, აპლიკაცია უფასოა.
მინდა, ლოქერი ჩემს ობიექტზე განვათავსო. რა უნდა გავაკეთო ამისთვის?
ლოქერის თქვენს ობიექტზე განთავსებისთვის და ნებისმიერი მსგავსი კითხვისთვის, გთხოვთ, დაგვიკავშირდეთ:
ელ. ფოსტა:: sales@locker.ge
მისამართი: ვაჟა-ფშაველას 96
რა ზომის გზავნილი ჩაეტევა ლოქერის სათავსოში?
არსებობს სხვადასხვა ზომის (3,6; 4,6 და 5,6 სმ) და სიგრძის კარადები. ლოქერის სიმაღლე 2 მეტრია, სიღრმე 50 სმ, კარადაში 80-მდე უჯრაა. კარადის თითოეული კაბინა მოიცავს ორ დიდ, ექვს საშუალო და ათ პატარა უჯრას.

ლოქერის უჯრები სამი ზომისაა: დიდი (45X39X45 სმ), საშუალო (45X23X45 სმ) და პატარა (34X10X45 სმ). ლოქერის ცენტრალური ნაწილია ეკრანი SMS კოდისთვის. ეკრანის ქვემოთ კი "QR კოდის წამკითხავია" მოთავსებული.
განსაბაჟებელი და დაუდეკლარირებელი გზავნილები ლოქერში განთავსდება?
ასეთი გზავნილები ლოქერში ვერ განთავსდება, რადგან საბაჟო გზავნილების მიღებისთვის აუცილებელია დოკუმენტაციაზე ხელის მოწერა.

როგორ მუშაობს

ლოქერის აპლიკაცია

თუ გზავნილების მართვას სმარტფონით ამჯობინებთ, ლოქერის აპლიკაცია მალე თქვენი მეგობარი გახდება. დახვეწილი დიზაინი, მოხერხებული ინტერფეისი და ძალიან მარტივი სერვისი იმისთვის, რომ გზავნილის მიღების პროცესი მაქსიმალურად ხანმოკლე და სასიამოვნო იყოს.
იხილეთ iPhone ან Android ვერსია